30 laguneko talde bat arduratuko da garbiketaz eta hondakinak biltzeaz, igandeetako ohiko zerbitzuaren laguntzaz.

Txingudiko Zerbitzuak-ek aurten ere lagunduko du Behobia-Donostian. Lasterketan zehar, korrikalariei ura emango die, eta, proba amaitutakoan, ibilbidea garbitu eta hondakinak bilduko ditu.

Ura banatzeko hiru gune

Txingudiko Zerbitzuak-ek hiru gunetan banatuko du ura: Behobiako irteeran, Colon pasealekuan eta Gaintxurizketako igoeran.

Proban zehar, 20 edukiontzi jarriko ditu ontzietarako, 10 kartoirako eta 2 ehun-hondakinetarako. Hala, hondakinak sortzen diren tokian bertan bereizi ahal izango dira, eta errazagoa izango da lasterketa amaitutakoan biltzea.

Garbiketa eta hondakinen bilketa, lasterketa amaitutakoan

Proba amaitutakoan, 30 laguneko talde batek lasterketa igaro den eremuak garbituko ditu, igandeetako ohiko zerbitzuaren laguntzaz. Taldeak hondakinak bildu eta egunean zehar erabilitako materiala kenduko du, besteak beste, mahaiak, banderatxoak eta edukiontziak.

Bildutako hondakinak garbigunera eramango dituzte, eta han sailkatuko dituzte, ondoren kudeatzeko. Garbiketa eta hondakinen kudeaketarako aurrekontua 6.250 euro ingurukoa da.